Explorar los documents (1 total)
L'associacion Ostal del Telh collabòra amb de liceans per un projècte artistic a l'entorn de la lenga d'òc
Lycée Saint Géraud (Aurillac)
Aquelas afichas son estadas fargadas dins l'encastre d'un projècte nommat « Fasèm de mascaraduras », a l'iniciativa de l'associacion Ostal del Telh, pel qual foguèt convidat l'artista plastician occitan Joan-Carles Codèrc per tal d'animar una setmana de talhièr amb la classa de 1ra Bac Pro Comunicacion Visuala e Pluri Mèdia del licèu St-Géraud a Orlhac, en coordinacion amb lor professor d'arts aplicadas, Fred Le Falher.
Per una setmana al mes de genièr de 2023, los liceans avián coma mission de realizar cadun una aficha que corresponde a l'estetica de las afichas reivindicativas de Mai 68 o de la lucha de Larzac, en trobant un eslogan novèl sus un tèma de lor causida e en lenga d'òc.
Cada licean trabalhèt sus un projècte d'aficha, dels borrolhons fins a la serigrafia. La darrièra etapa del projècte consistissiá a placardar las afichas per las carrièras d'Orlhac suls panèls d'afichatge liure.
Per una setmana al mes de genièr de 2023, los liceans avián coma mission de realizar cadun una aficha que corresponde a l'estetica de las afichas reivindicativas de Mai 68 o de la lucha de Larzac, en trobant un eslogan novèl sus un tèma de lor causida e en lenga d'òc.
Cada licean trabalhèt sus un projècte d'aficha, dels borrolhons fins a la serigrafia. La darrièra etapa del projècte consistissiá a placardar las afichas per las carrièras d'Orlhac suls panèls d'afichatge liure.